Convocada 1 plaza libre por el sistema de oposición de Ingeniero de Caminos, Canales y Puertos en Vigo. Las bases y el temario se han publicado íntegramente en el BOP de Pontevedra de 26 de marzo de 2018.

El temario correspondiente a esta oposición es el que sigue:

A) TEMARIO XERAL

Tema 1. A Constitución española de 1978: principios xerais e estrutura.

Tema 2. A Unión Europea. Institucións da Unión Europea: composición, funcionamento e competencias.

Tema 3. O Estatuto de Autonomía de Galicia: principios xerais e estrutura.

Tema 4. O municipio. O termo municipal. A poboación. Consideración especial do veciño. O empadroamento.

Tema 5. Organización municipal. Competencias.

Tema 6. Funcionamento dos órganos colexiados locais. Convocatoria e orde do día. Actas e certificados dos acordos.

Tema 7. Función pública local: organización, selección e situacións administrativas. Dereitos e deberes dos empregados públicos locais. O procedemento disciplinario: faltas e sancións.

Tema 8. Funcionamento electrónico do sector público: sede electrónica, sistemas de identificación e sinatura dos interesados no procedemento administrativo e rexistros.

Tema 9. Contratos do sector público: delimitación dos tipos contractuais. Contido e forma do contrato.

Tema 10. A adxudicación dos contratos das Adminsitracións Públicas.

Tema 11. A Administración do Estado, a administración autonómica e a administración local. Administración institucional e corporativa. A relación xurídico-administrativa: os dereitos dos cidadáns nas súas relacións coa Administración.

Tema 12. Eficacia dos actos administrativos. A obriga de resolver e silencio administrativo. Nulidade e anulabilidade dos actos administrativos. .

Tema 13. O recursos administrativos: concepto e clases. O recurso contencioso- administrativo.

Tema 14. O procedemento administrativo común: principios xerais e competencia. Os interesados: dereitos e obrigas.

Tema 15. Aspectos xerais sobre as formas de acción administrativa.

Tema 16. O servizo público. Análise xeral dos modos de xestión dos servizos públicos.

Tema 17. A función recaudatoria nas facendas locais.

Tema 18. Principios orzamentarios na Lei reguladora das facendas locais

B) TEMARIO ESPECÍFICO

Tema 1. Planes de seguridade e saúde. Contido e documentación. A figura do coordinador de seguridade e saúde.

Tema 2. Seguridade e saúde en obras de construción: contaminantes químicos.

Tema 3. Seguridade e saúde en obras de construción: amianto e planificación do traballo.

Tema 4. Xestión de riscos. Conceptos. Plan de xestión de riscos.

Tema 5. Actividades na xestión de riscos en obras de construción.

Tema 6. Mantemento. Xestión do mantemento. Tipos e modelos de mantemento. plan de mantenemento. Elaboración e execución. Custos. Contratos de mantemento.

Tema 7. Planificación de obra. Plan de traballo.

Tema 8. O planeamento urbanístico: natureza e eficacia. Tipoloxía de plans: xerarquía. Determinacións xerais das diferentes figuras de planeamento.

Tema 9. Execución do planeamento urbanístico. Orzamento de execución, clases de sistemas de actuación: características xerais.

Tema 10. Dominio público: concepto e caracteres. Tipoloxías. Usos.

Tema 11. Factores físico-xeográficos con incidencia construtiva no municipio de Vigo.

Tema 12. O patrimonio arqueolóxico de Vigo. principais xacementos da cidade.

Tema 13. Orixe e formación da ría de Vigo. peculiaridades ambientais e xeográficas e influencia no territorio.

Tema 14. Inventario municipal de bens. Xeneralidades.

Tema 15. Descrición do rueiro do casco urbano de Vigo por relación ao deseño e firmes e sección tipo. Estado de conservación e necesidades futuras .

Tema 16. A rede viaria de Vigo. Descrición da estrutura e necesidades futuras.

Tema 17. As estradas da rede estatal, autonómica e provincial no concello de Vigo. Análise.

Tema 18. As infraestruturas do porto de Vigo e as súas características.

Tema 19. Plan de mobilidade urbana sostible do concello de Vigo.

Tema 20. Análise das problemáticas de mobilidade entre o fronte litoral e o casco histórico de Vigo.

Tema 21. Informes xeotécnicos. Datos previos, desenrolo e tipos de recoñecemento.

Tema 22. Elección do método para efectuar un levantamento topográfico. Organización e fases de realización do traballo.

Tema 23. Sistemas de información xeográfica. Sig. nocións básicas. Definición e compoñentes. aplicacións.

Tema 24. O sistema xeodésico de referencia etrs89. Definición e características.

Tema 25. Topografía urbana. Planos de poboación. Métodos para elaboración de cartografía urbana escala 1/1000

Tema 26. Drenaxes. Superficiais, de plataforma e profundos. Solucións.

Tema 27. Escavacións, explanacións e zanxas.

Tema 28. Descrición e análise da rede de saneamento de Vigo.

Tema 29. Nova estación depuradora de Vigo. Características e dimensionamento.

Tema 30. Necesidades futuras da rede de saneamento de Vigo.

Tema 31. Servizo de saneamento de augas. Criterios de clasificación de tuberías, tipos e características.

Tema 32. Redes de saneamento: tipos, trazado, elementos dos que consta. Caudais de cálculo. intensidade de choiva. Coeficiente de escorrentía. Determinación de caudais. Redes de saneamento municipais. Mantemento e explotación dunha rede de saneamento municipal. Aliviadoiros e tanques de tormenta.

Tema 33. Rede de saneamento. Deseño. Sistemas. Trazados.

Tema 34. Operacións de xestión dos residuos sólidos urbanos.

Tema 35. Arquetas e pozos en redes de saneamento.

Tema 36. Drenaxe urbano sostenible. Drenaxe superficial en centro urbano

Tema 37. Edar`s instaladas no concello de Vigo. sistema de funcionamento das mesmas.

Tema 38. Descrición e análise da rede de abastecemento de Vigo.

Tema 39. Etap casal características actuais e necesidades futuras.

Tema 40. Necesidades futuras da rede de abastecemento de Vigo.

Tema 41. Servizo de abastecemento de auga, estimación do caudal necesarios, material e diámetros empregados.

Tema 42. Patoloxías en beirarrúas. Tipoloxías e reparacións.

Tema 43. Elementos de manobra e control en redes de abastecemento. Deseño e trazado de redes de abastecemento

Tema 44. Instalacións nun sistema de abastecemento.Tipos de redes de distribución. Xerarquía.

Tema 45. Proxecto de obras hidráulicas. Contidos.

Tema 46. Obras de instalación de servizos en viais urbanos do concello de Vigo.

Tema 47. Misturas bituminosas en quente máis xeneralizadas en viais urbanos.

Tema 48. Microaglomerados en viais urbanos.

Tema 49. Os materiais xeosintéticos nos pavimentos urbanos de calzada. clasificación e funcións

Tema 50. Reposición de pavimentos en viais urbanos do concello de Vigo.

Tema 51. Agretamentos en firmes de calzada urbana de estrutura flexible e semirríxida. tipoloxías e reparación.

Tema 52. Deformacións plásticas en firmes de calzada urbana de estrutura flexible e semirríxida. Tipoloxías e reparación

Tema 53. Agretamentos en firmes de calzada urbana de estrutura ríxida. Tipoloxías e reparación.

Tema 54. Patoloxías en elementos complementarios aos firmes de pavimentación de viais urbanos. Tipoloxías e reparacións.

Tema 55. Posta en obra formigón en tempo frío e caloroso. Problemas e precaucións.

Tema 56. Curado do formigón. Tipos.

Tema 57. Tipos de escollera en función do método de posta en obra. Principais avantaxes da escollera colocada para a construción de muros. Principais aspectos a considerar no proxecto dos elementos que compoñen a sección tipo do muro de escollera.

Tema 58. Variables e parámetros fundamentais do tráfico, relacións entre eles. Capacidade e nivel de servizo, intensidade de servizo. Características do fluxo do tráfico: variación, distribución e composición. Modelos para a previsión do futuro da mobilidade.

Tema 59. Regulación de tráfico en interseccións urbanas. Rotondas e/ou semáforos.

Tema 60. Bandas transversais de alerta en ámbito urbano. Criterios de deseño e instalación.

Tema 61. Redutores de velocidade prefabricados en ámbito urbano. Criterios de deseño e instalación. Redutores de velocidade non prefabricados sobreelevados en ámbito urbano. Criterios de deseño e instalación.

Tema 62. Iluminación viaria. Criterios de decisión. Selección da clase de alumeado. Área de referencia. Iluminación de soportes de gran altura. Cálculos luminotécnicos. Implantación dos sistemas de iluminación.

Tema 63. Ordenanza municipal reguladora das instalacións de alumeado público no termo municipal de Vigo.

Tema 64. Iluminación de túneles. Problemática visual dos túneles. Luminancia de velo e distancia de seguridade. sistemas de alumeado. clasificación de túneles. Iluminación das diferentes partes. Iluminación de emerxencia. Deseño xeral.

Tema 65. A contaminación acústica: o ruído. Medida do ruído. Fontes de ruído. Protección contra o ruído do tráfico. A ordenanza municipal de protección contra a contaminación acústica do concello de Vigo.

Tema 66. A supresión de barreiras arquitectónicas en viais urbanos.

Tema 67. Condicións de plantación de árbores en viais urbanos do concello de Vigo, deseño e emprazamento.

Tema 68. Clasificación de residuos segundo diferentes aspectos. Xerarquía no tratamento de residuos.

Tema 69. Técnicas de tratamento de chans contaminados.

Tema 70. Vertedoiros controlados de residuos. Orixe e tipo

Tema 71. Protección do chan e das augas fronte a contaminación en vertedeiros de residuos.

Tema 72. Mobiliario urbano. Criterios de implantación, deseño e emprazamentos, usos e tipoloxías no concello de Vigo.

Ademais das que figuran na base 4ª das xerais, as/os aspirantes deberán estar en posesión do título académico oficial de Enxeñería de camiños, canais e portos, master en enxeñería de caminos, canais e portos ou equivalente, titulación esixida para o acceso á praza segundo o disposto na vixente Relación de Postos de Traballo do Concello de Vigo.

Primeiro exercicio.—De carácter obrigatorio e eliminatorio para todos/as os/as aspirantes.

Consistirá en contestar por escrito, durante un período máximo de dúas horas, a 4 temas elixidos ao chou mediante sorteo público, que se celebrará polo Órgano de selección en presenza dos/das aspirantes, dos que figuran como anexo a estas bases. Un destes temas corresponderá ao primeiro apartado dos temas “A) Temas Xerais” e o resto ao apartado “B) Temas Específicos”.

Neste exercicio avaliaranse os coñecementos sobre os temas expostos, a claridade e orde de ideas, a facilidade de exposición escrita e a capacidade de síntese e o rigor e precisión na súa exposición.

Esta proba deberá ser lida obrigatoriamente perante o órgano de selección, en sesión pública e concluída a lectura da totalidade dos temas, este poderá pedirlle ao aspirante calquera explicación complementaria que considere oportuna.

Este exercicio puntuarase de cero (0) a dez (10) puntos; é necesario para superalo obter un mínimo de cinco (5) puntos.

Segundo exercicio.—De carácter obrigatorio e eliminatorio.

Consistirá en desenvolver por escrito durante un período máximo de tres horas, dous supostos teórico-prácticos que formulará o órgano de selección, inmediatamente antes do comezo do exercicio, relacionados co contido do temario específico, relativos ás tarefas propias da praza. Durante o desenvolvemento desta proba os aspirantes poderán, en todo momento, facer uso dos textos legais dos que acudan provistos; non se permite o manexo de textos comentados nin libros de formularios así como de dispositivos dixitais. Os e as aspirantes deberán expoñer este exercicio perante o órgano de selección en sesión pública, o que poderá, ao final da exposición, solicitarlle ao aspirante calquera aclaración que considere oportuna, sobre o suposto práctico desenvolvido. Neste exercicio avaliarase a capacidade de análise e a aplicación razoada dos coñecementos teóricos á resolución dos problemas prácticos presentados.

Este exercicio puntuarase de cero (0) a dez (10) puntos; é necesario para aprobar obter unha puntuación mínima de cinco (5) puntos.

Terceiro exercicio.—De carácter obrigatorio e non eliminatorio. Proba de informática.

Consistirá nunha proba de coñecementos de informática a nivel usuario de contornos operativos linux/windows ou similares, manexo de ferramentas de ofimática (open office ou similar) e de utilidades básicas de internet en ditos contornos (navegación, correo electrónico, etc), así como coñecementos básicos de Sistemas CAD e de Información Xeográfica no tempo que estableza o órgano de selección. Dita proba avaliarase de 0 a 2 puntos.

Cuarto exercicio.—De carácter igualmente obrigatorio, aínda que a falta de superación do mesmo non impedirá o nomeamento.

Consistirá na realización dunha proba oral e/ou escrita de coñecemento do idioma galego, que se realizará conforme ao previsto na base 10ª das xerais que determinará o Órgano de selección co asesoramento do Servizo de Normalización Lingüística, e avaliarase de 0 a 2 puntos.

O/a aspirante que non obtivese 1 punto como mínimo nesta proba deberá participar no primeiro curso de idioma galego que realice a Administración autonómica (Secretaría Xeral de Política Lingüística ou organismo autonómico competente) a fin de obter a debida capacitación.

Estarán exentos da realización deste exercicio os/as aspirantes que acrediten no prazo regulamentario de presentación de instancias, posuír o título CELGA 4 ou equivalente homologado, segundo o disposto na Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega (Anexo I), aos que se lle asignarán 2 puntos.

A puntuación de cada aspirante nos diferentes exercicios será a media aritmética das cualificacións de todos os membros do órgano de selección asistentes á sesión. Non se terán en conta a puntuación máis alta e a máis baixa (só unha delas en caso de empate), sempre que entre elas exista unha diferencia de 3 puntos ou máis.

Se os exames non fosen corrixidos ao remate da proba, introduciranse nun sobre que se pechará e selará; sobre o precinto asinarán todos os membros do órgano de selección presentes, así como, sempre que fose posible, un número similar de aspirantes. O sobre quedará baixo a custodia do/a secretario/a para a súa apertura ao inicio da sesión en que se corrixan.

A orde de puntuación dos membros do órgano de selección será a que este acorde con anterioridade á corrección dos exercicios, e deberá facerse constar na acta.

No caso de empate, o desempate resolverase a favor do/a aspirante de maior idade e, se continuase o empate, se dirimirá mediante sorteo.

Naqueles exercicios nos que sexa preciso establecer unha orde de actuación dos/as aspirantes, o órgano de selección antes do primeiro exercicio da oposición e en sesión pública, efectuará o sorteo para establecer a devandita orde.

Unha vez rematadas as probas selectivas e sumadas as cualificacións correspondentes a cada unha das probas realizadas de que consta esta oposición, farase pública a relación de aspirantes que formarán parte da lista de substitucións por orde de puntuación de maior a menor, en condicións de ser nomeados/as funcionarios interinos/as prevista no artigo 10.1 do Real Decreto Lexislativo 5/2015, do 30 de outubro, texto refundido do Estatuto Básico do Empregado Público.

Ingenieros Caminos, Canales y Puertos